Psalms 34
David phuah. Amah a hawlkhia Abimelech mai-ah mihai a kineih a a paisan hun lai.
1 Hun khempeuh ah TOPA ka tawisang dinga; aamah phatna ka mukte tawh a kitalawi kei ding hi.
2 Ka hinna TOPA sungah kisathei ding hi; b
gim thuakte in za uh henla kipak uh hen. c
3 Kei tawh TOPA’ min thangsak khawm un;
ama min tawisang khawm ni. d
4 TOPA ka zonga aman kei hong dawngin; e
ka launa khempeuh panin hong hukhia hi. f
5 Amah mitsuante maitaang uh a; g
amau maitangte zumna in a khuh ngei kei hi.
6 Hih mizawngpa in sam a, TOPA in a za hi;
ama lungkhamna khempeuh panin a honkhia hi. h
7 TOPA a kihtate kimkot ah vansawltak in giahphual sat-a,
amaute hukhia hi. i
8 TOPA hoih hi, ciam unla mu dih un; j
amah beel mi thupha ngah ahi hi.
9 Amah kihtate bangmah kisam lo ahi manin k
no ama misiangte aw, TOPA kihta un. l
10 Humpinelkaite thanemin gilkial thei uh hi;
ahi hangin TOPA a zongte na hoih bangmah a tasam kei uh hi. m
11 Ka tate aw, hong pai-in ka thu ngai un; n
TOPA kihtakzia note kong hilh ding hi. o
12 A nuntakna it a
ni hoih tampi a mu nuam peuhmah in, p
13 gitlohna panin na leii uh kem unla,
zuau genna panin na muk uh kem un. q
14 Gitlohna kiheisan unla na hoih sem un;
kilemna zong unla delh un.
15 TOPA’ mitte, a thumaante tung tu-a, r
ama bilte in a kikona uh ngai gige hi; s
16 siatna bawlte, amaute kiciamtehna leitang pan a phiatkhia dingin t
TOPA in maingatin a sal gige hi.
17 A thumaante kiko peuh leh TOPA in za a;
amau lungkhamna khempeuh panin amah in hukhia hi. u
18 Lungtang kitamkhamte kiangah TOPA nai a, v
a lungsim kitamzante honkhia hi.
19 A thumaan mi in lungkhamna tampi nei thei hi, w
ahi hangin TOPA in tuate khempeuh panin a hukhia hi; x
20 ama guhte khempeuh hutsak a,
tuate khat beek a kitan kei ding hi. y
21 Siatna in migilote that dinga;
a thumaan mi’ galte a kimawhpaih ding hi. z
22 TOPA in ama nasemte tankhia a; aa
amah a beelte khat beek a kimawhpaih kei ding hi.
Copyright information for
ZomZIV